மாயமான் தேடி வனமதனில்
திரிந்தான் சீதா ராமன்.....
போக்கிமான் தேடி வளாகமதில்
பள்ளி வளாகமதில் அலைந்தான்
சித்தார்த் வெங்கட்ராமன்.....
மானை வேண்டித் தன் குணம்
மாறி நின்றாள் கட்டியவள் அங்கே
போக்கிமான் வெறுத்துத்
தாடகையாய் மாறினாள் பெற்றவள் இங்கே.....
நான்குவரி நயம்படவே படித்து
நாலு பதில் நறுக்கெனவே கொடுக்க
கிடைக்காதோ ஒரு போக்கிமான்?
நூலகங்களில் தேடு போக்கிமான்
நூற்றுக் கணக்கினில் அள்ளு எனும்
விளம்பரம்தான் வாராதோ?
தேடல்கள் என்பதே வாழ்க்கை
அறிவுத் தேடல் ஒரு ஏணி -பயன்
அல்லாத் தேடலிது அரவின் படம்
பரம பதம் காட்டும் வழித்தடம்
விளையாட்டு தரும் வாழ்க்கைப் பாடம்
கவியாக்கம் -அம்மாவாகிய ரத்னா வெங்கட்.
No comments:
Post a Comment