#எடுத்துக் கோர்த்த முத்துக்களில் ஒன்று # மொட்டவிழ்த்துவிடு இதழ்களை #79

#எடுத்துக் கோர்த்த முத்துக்களில் ஒன்று

# மொட்டவிழ்த்துவிடு  இதழ்களை

15.11.16

எடுத்துக் கோர்த்த முத்துக்களில் ஒன்று

தரை வீழ்ந்து தடம் மாறி மறையக் கண்டு

தடங்கியதில் முழுப்பெறாத மாலையொன்று

தவித்திடும் தன்வசம் இழந்தே பித்தாய்- அதன்

எண்ணமெங்கும் உலவிடும் காணாத முத்தாய்

வடமாகப் பூணுதற்கு வரமாகப் பெற்றதிங்கு

மடியேந்தி அள்ளிட்ட ஆழியின் சொத்தென்று

வாடாத மலர் போல அள்ளிக் கட்டிவைக்க

மாய நொடியில் ஒன்று கைநழுவ-அதன்

வண்ணங்கள் வானெங்கும் முகிலாய் அலைய 

தேடுதல் மட்டும் வாழ்வின் அடையாளமாய்

தேடாத நாளொன்று பிரிவின் துயராய்

வாடி நிற்பதே மனத்தின் பணியாய்

வாழ்வெனும் பிம்பமது கலையும் முன்னே

வந்து நிற்பாய் எந்தன் வாசலில் பெண்ணே

தீயொன்று எனைச் சுடும் முன் கண்ணே

தீதில்லை காலங்கள் கடந்தாலும் வந்தே

நீயும் மொட்டவிழ்த்துவிடு இதழ்களை

கவியாக்கம்- ரத்னா வெங்கட்.