#சேர்த்து வச்ச ஆசையெல்லாம்
02.10.16.
சேர்த்து வச்ச ஆசையெல்லாம்
சருகாகப் போகும் முன்னே
சேர்க்க இனி காலமில்லை
சடுதியிலே வாருமய்யா
காத்தைப் போல காலமுந்தான்
கை நழுவிப் போகுதய்யா
ஆத்துமணல் கை நிறைச்சுக்
காத்த கதை ஆனதய்யா
நட்டு வச்ச செடியும் இப்ப
வளர்ந்து மரமாச்சுதய்யா
நான் விதைச்ச ஆசையொன்னு
வாடித்தான் தவிக்குதய்யா
காத்திருத்தல் கடமையென
கன்னியவள் விதியாச்சய்யா
காத்திருந்த காலம் போதும்
கன்னியெனைக் கரை சேரய்யா
ஏங்கி நின்ன நேரத்திலே
ஏடெடுத்துப் படிச்சிருந்தா
எந் தலையெழுத்தும் மாறியிருக்குமய்யா
எண்ணிப் பார்த்து மாறுங்கய்யா...
கவியாக்கம் - ரத்னா வெங்கட்.
No comments:
Post a Comment