# நான் ரொம்ப நல்லவன்
25.08.16
வல்லவனா நானிருந்தா அவன்
வந்தா போனா கும்பிடுவான்
நல்லவனா நானிருக்க என்ன
நல்ல கோமாளியா மாத்திப்பிட்டான்...
பாடஞ்சொல்ல ஒத்த ஆளா
பள்ளிக்கூடம் போனேன் நானு
பயபுள்ள கெஞ்சினாலும் எட்டிக்கூடப்
பாக்கலயே பூத்தகண்ணு கெறங்கித்
தானா உறங்கையிலே வந்தானய்யா
பாயோடு படமெடுத்துப் பத்தியிலே
பத்தி வச்சானய்யா நாடறிய என்னப்
பாத்து எக்காளமாச் சிரிச்சானய்யா......
உறவு முறை கொண்டா டித்தான்
ஊரடிச்சு உலையில் போட்டான்
உடும்பப் போல கெட்டியாத்தான்
நாக்காலியில் ஒட்டிக் கிட்டான்
நாலு வருசத்துக்கொரு முறை
உரிமை யாத்தான் வந்து நின்னான்....
என்னடான்னு கேக்கப் போனா
அண்ணாச்சின்னு கட்டிக் கிட்டான்
உன்னப் போல ஊரில் யாருன்னு
அதிசயமா மெச்சிக் கிட்டான்.....
அசட்டுச் சிரிப்பு வச்சுப்பிட்டு
'அவ்வ்வ்வ்வ்' ன்னுதான் வந்தேனுங்க
ஆமாமுங்க'நான் ரொம்ப நல்லவன்'....
கவியாக்கம் - ரத்னா வெங்கட்.
No comments:
Post a Comment